一步步拆開之後, 發覺原來開關只係好簡單, 一個頂仔將兩條銅片short埋就著機, 分開就關機, 咁就ok啦, 原本果個神左只要另裝一個開關制咪得囉!
之後我就出左鴨記, 買左粒三蚊雞開關制黎同佢做手術
將原本個蓋拆走, 就見到原來隻蓋係行齒輪路軌既, 其中一邊隻膠齒輪爆左, 唔怪得隻蓋瓜左咯
跟住我將兩條電線駁住兩條銅片, 然後穿過機身原本果個窿, 再駁落個新開關度, 前後唔駛半個鐘就搞掂! 點知, 就響呢個時候發生左件好大既意外, 連接機身既其中一條電路線斷左, 當時成個人即時灰左, 搞左咁耐莫非真係唔得...
圖中電線駁住既就係開關, 橙色果條就係斷左既...
定一定神之後, 再發揮解剖就解到底既精神, 再研究下條電路線, 發覺好似斷左果個位其實係個插位, 於是我將剩低既電路磨到見到金屬再插番入個插位度, 試一輪位之後竟然真係接得通, 於是我就即時拿拿聲固定好條電線, 然後合番好架機, 再固定埋個開關制, 搞掂! 架機竟然真係可以復活!
箭咀指住果個就係電路插位
拆走原裝開關蓋後, 竟然有個電線剛好穿得過既窿, 正!
完成~
沒有留言:
發佈留言